Upacara Cakak Pepadun

  • Whatsapp
Upacara Cakak Pepadun
Upacara Cakak Pepadun

Upacara Cakak Pepadun iyulah upacara pengenian gelar untuk adat pepadun. Gham ghadu pandai bahwa gelar adat ulun Lappung sina diantarani iyulah:

  • Suttan;
  • Raja;
  • Pangeran;
  • Dalom dll

Nyin mansa gelagh adat gegoh di unggak wat hal-hal sai mesti dilaksanako guwai ngedapokko gelagh adat sina.

Bacaan Lainnya

1. Ngurau (Ngundang)

Sapa gawoh sai haga ngelaksanako upacara adat, tiyan sai haga ngelaksanako semakkungni, ngumpulko masyarakat adat (Peghwatin). Peghwatin ngayun jama sai ngedok gawi kidang/tapi ngayin masyarakat pekon sai baghih.

2. Ngepandai (Mandai)

Tiyan sai ghadu dikeni pandai lamun haga wat begawi adat dapok ghatong guwai nemui nyimah jama sai ngedok gawi. Dilom kesempatan sina munih ulun sai ngedok begawi adat kilu dua ghik dukungan penghwatin sai diundang jeno.

3. Pumpung

Peghwatin sai diundang jeno laju ngebahas gawi sekaligus netapko tata cagha upacara adat sai haga dilaksanako. Keputusan hasil anjak pumpung busifat ningkatko para peghwatin guwai ikut aktif nyuksesko gawi sina. Peraturan sai dihasilko anjak pumpung jadi pedoman pelaksanaan kegiatan.

4. Anjau-Anjauan

Sekelik (mirul, kelama, lebbu, sabai) sai ghadu dikeni pandai lamun haga wat gawi adat, tiyan ghatong ghik besilaturahmi sekaligus ngebattu sai haga begawi sina baik battuan materil ataupun spirituil.

5. Canggot

Canggot iyulah prosesi adat sai ngelibatko muli meghanai, beghupa tari-tarian adat sai dilaksanako debingi di sessat (rumah adat).

6. Mesol Kibau

Kibau ngeghupako binatang sai jadi lambang kemegahan/kemakmuran masyarakat adat. Kibau sina jadi penettu dana dilom pelaksanaan prosesi adat Lampung Pepadun. Lamonni kibau sai dipesol tegattung keputusan pumpung.

Kibau dipesol seghadu acara canggot. Daging kibau sai ghadu dipesol sina dibagiko jama peghwatin, temui anjak pepigha tiyuh, marga, sumbai, muli meghanai, kepala tiyuh, penyimbang tiyuh, jama penghulu tiyuh.

7. Cakak Pepadun

Setiap masyarakat Lampung Pepadun sai ghadu ngelaksanako tahapan-tahapan prosesi adat, mulai anjak ruyang-ruyang (selamatan/syukuran, khitanan, seghak sepei (tindik telinga dan meratakan gigi) canggot agung sumbai muli meghanai (upacara adat berupa tari-tarian dan arak-arakan muli meghanai), dilanjutko jama upacara perkawinan, sai gelaghni ngughuk kebayan (peresmian pernikahan secara adat), tughun mandi (mengenal tempat mandi), ngini ghik ngamai adok (ganti nama sementara), ghik puncak acara adat iyulah Cakak Pepadun.

Cakak Pepadun ngeghupako puncak anjak gawi sai mesti dilaksanako guwai ngeni pandai masyarakat adat bahwa seluruh tanggungjawab ghik hak adat wat didiri sai ngelaksanako gawi. Tiyan sai begawi cakak pepadun dapok mansa gelar Suttan, gelagh sai paling ghanggal di lom masyarakat adat pepadun. Tiyan sai ghadu ngedok gelagh suttan wajib jadi contoh teladan, bebudi pekerti sai betik/helau, tokoh masyarakat, tokoh sai jadi tutukan di lingkungan masyarakat ghik lingkungan pekon seghani-ghani.

Di lom prosesi adat gawi wat peralatan sai mesti do sediako iyulah:

  1. rato
  2. paccah aji
  3. kayu ara
  4. kutomaro
  5. kandang ralang
  6. burung garuda
  7. payung agung
  8. pepadun/leluhur
  9. tabuhan
  10. tinggi tumbak
  11. selepas penguton
  12. talam handak
  13. peti gersik
  14. jempana
  15. pangga
  16. ijan geladak, dll

Sumber Referensi: 

  • Warsiyem, S.Pd., M.Pd. dan Marlia, A.Md. Hanggum Bubahasa Lampung. Bandarlampung: Gunung Pesagi).

Pos terkait

Tinggalkan Balasan

Alamat email Anda tidak akan dipublikasikan. Ruas yang wajib ditandai *

2 Komentar